ປະທານາທິບໍດີຝຣັ່ງ ຕ້ອນຮັບການເຂົ້າຢ້ຽມຂ່ຳນັບ
ຂອງກຳມະການກົມການເມືອງສູນກາງພັກກອມມູນິດຈີນ
ທ່ານ ເອັມມານູເອວ ມາຄຣົງ ປະທານາທິ ບໍດີຝຣັ່ງ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ຫວາງ ຢີ້ ກຳມະການກົມການເມືອງສູນກາງພັກຄອມມູນິດຈີນ
ສຳນັກຂ່າວສານຊິນຮວາລາຍງານວັນທີ 20 ກຸມພາ 2024 ຜ່ານມານີ້ວ່າ: ທ່ານ ເອັມມານູເອວ ມາຄຣົງ ປະທານາທິ ບໍດີຝຣັ່ງ ໄດ້ຕ້ອນ
ຮັບການເຂົ້າຢ້ຽມຂ່ຳນັບຂອງ ທ່ານ ຫວາງ ຢີ້ ກຳມະການກົມການເມືອງສູນກາງພັກຄອມມູນິດຈີນ, ລັດຖະມົນຕີກະຊວງການຕ່າງປະເທດຈີນ
ທີ່ໄດ້ເດີນທາງໄປຢ້ຽມຢາມຢູ່ນະຄອນຫຼວງ ປາຣີ ຂອງຝຣັ່ງ.
ໃນໂອກາດດັ່ງກ່າວ, ທ່ານ ເອັມມານູເອວ ມາຄຣົງ ໄດ້ກ່າວສະແດງຄວາມຕອ້ນຮັບອັນອົບອຸ່ນ ແລະ ຢືນຢັນການຍຶດໝັ້ນປະຕິບັດຕາມນະ
ໂຍບາຍປະເທດຈີນດຽວ, ຫຼັກໝັ້ນດັ່ງກ່າວນີ້ມີຄວາມຄັກແນ່ຈະແຈ້ງຫຼາຍ. ເມື່ອປະເຊີນໜ້າກັບສິ່ງທ້າທາຍຂອງໂລກ, ຝຣັ່ງຍຶດໝັ້ນເປັນເຈົ້າຕົນ
ເອງດ້ານຍຸດທະສາດ, ຍິນດີເພີ່ມທະວີການປະສານງານດ້ານຍຸດທະສາດກັບຈີນ, ຮ່ວມກັນປົກປັກຮັກສາສັນຕິພາບ ແລະ ສະຖຽນລະພາບ. ທ່ານ
ຫວາງ ຢີ້ ກໍໄດ້ກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງປະທານາທິບໍດີຝຣັ່ງ ພ້ອມທັງກ່າວວ່າ: ປັດຈຸບັນນີ້ ສະຖານະການສາ
ກົນມີຄວາມວຸ້ນວາຍຫຼາຍ, ບັນຫາຈຸດສຸມມີຄວາມສັບສົນ ແລະ ແກ້ໄຂຍາກ, ເສດຖະກິດຂອງໂລກ ໄດ້ຮັບການຟື້ນຟູຢ່າງຊັກຊ້າ, ສິ່ງທ້າທາຍ
ຕ່າງໆເກີດຂຶ້ນເລື້ອຍໆ.
ຈີນ ແລະ ຝຣັ່ງ ລ້ວນແຕ່ເປັນປະເທດໃຫຍ່ ທີ່ເປັນເຈົ້າຕົນເອງ ແລະ ເປັນເອກະລາດ, ທັງເປັນປະເທດສະມາຊິກຖາວອນຂອງສະພາຄວາມ
ໝັ້ນຄົງອົງການສະຫະປະຊາຊາດ ແລະ ກຳລັງທີ່ສຳຄັນໃນໂລກທີ່ມີຫຼາຍຂົ້ວ, ຈີນ ແລະ ຝຣັ່ງ ຄວນເພີ່ມທະວີການປະສານງານດ້ານວຽກງານຕ່າງໆ
ລົງເລິກການຮ່ວມມືດ້ານຍຸດທະສາດ, ເພີ່ມທະວີການປະກອບສ່ວນເຂົ້າໃນການຊຸກຍູ້ສັນຕິພາບ ແລະ ສະຖຽນລະພາບຂອງໂລກ.
ແຫຼ່ງທີ່ມາ: ໜັງສືພິມກອງທັບ
ວັນທີ 01/03/2024